Аз ҳодисаҳои фалокатовар ҳатман суғуртаи давлатӣ кардани заҳматкашоне, ки дар корҳои барои ҳаёт ва саломатӣ хеле хавфнок кор мекунанд

 

Тибқи Қарори Ҳукумати Ҷумҳурии Тоҷикистон аз 12 январи соли 1996, № 36 «Дар бораи аз ҳодисаҳои фалокатовар ҳатман суғуртаи давлатӣ кардани заҳматкашоне, ки дар корҳои барои ҳаёт ва саломатӣ хеле хавфнок кор мекунанд»

 

Ҳаққи суғуртавӣ

82 сомонию 50 дирам - (1.5% аз маблағи  суғуртавӣ) ташкил медиҳад.

Маблағи суғуртавӣ

5500 сомонӣ, (100 - карата музди меҳнати ҳадди  аққал барои ҳисобҳо), ки дар Ҷумҳурии Тоҷикистон муқаррар шудааст.

 

 

 

 

 

Ҳодисаҳои суғуртавӣ

- расидани зарари ҷисмонӣ ба ҳаёт ва саломатии корманди суғурташуда дар натиҷаи ҳодисаҳои нохуш;

- баромадан ё шикастани устухонҳо, дандонҳо, осеб  ёфтани (латхӯрдани) узвҳо, сухтан, захмгирии бадан дар натиҷаи ҳодисаи нохуш;

- ҷароҳат дар натиҷаи шиддати ҷараёни барқӣ, ғарқшавӣ, осеби ҷисмонӣ;

- гирифтани маъюбии гурӯҳҳои 1, 2 ва ё 3 дар натиҷаи рух додани ҳодисаи нохуш;

- бардоштани ҷароҳат дар натиҷаи офатҳои табиӣ;

- фавти суғурташуда.

Эзоҳ: Агар ҳодисаҳои дар боло зикргардида танҳо ҳангоми иҷрои вазифаи хизматӣ рух дода бошад, он гоҳ ҳодисаи суғуртавӣ ҳисоб мешавад;

Муҳлати амали  шартнома

аз 1 моҳ то 12 моҳ дар мувоффиқаи тарафайн байни Суғурташаванда ва Суғуртакунанда муайян мегардад